“ကူညီတတ်တဲ့ ပရဟိတ အဖွဲ့တွေရဲ့ စေတနာကို အမြတ်ထုတ်နေတဲ့ မြန်မာပြည်က အောက်တန်းစားတချို့ အကြောင်း”

“ကူညီတတ်တဲ့ ပရဟိတ အဖွဲ့တွေရဲ့ စေတနာကို အမြတ်ထုတ်နေတဲ့ မြန်မာပြည်က အောက်တန်းစားတချို့ အကြောင်း”

ခုလေးတင်ပဲ အိမ်ရှေ့မှာပြောနေသံကြားလိုက်ပါတယ်။ အိမ်နားကလင်မယားနှစ်ယောက်ထဲက မိန်းမလုပ်သူကပြောနေတာ။ တော်တော်တရားကျစရာ၊ သတိပြုစရာမို့ ပြန်ရေးလိုက်ရပါတယ်။(ဒီPost ကို ဇဏ်ခီတို့ ဇနီးမောင်နှံ တွေ့ပြီး သေချာစစ်ဆေးနိုင်ပါစေလို့ ဆုတောင်းပါတယ်)

သူတို့လင်မယားက အသက်၅၀ကျော်တမ်းတွေပေါ့။ သူတို့အိမ်က ကလေးအကျီ်ဘောင်းဘီတွေချုပ်ရောင်းတယ်။ ဈေးထဲမှာဆိုင်ခန်းနဲ့ပါ။ ယောက်ျားလုပ်သူက အိမ်မှာ ဆိုင်ကယ်ဘေးတွဲတွေဆင်တယ်။ အိမ်နားက ဓမ္မာရုံမှာလည်း မီးဆင်တာဘာညာလုပ်ပြီး ဓမ္မာရုံပစ္စည်းမှန်သမျှကိုယ့်ဟာလုပ်နေတဲ့သူ။ အရင်ကဆို နှစ်လုံးသုံးလုံးလည်းဒိုင်ကိုင်တယ်ပေါ့။ ငွေတိုးချေးနိုင်လောက်အောင် စီးပွားရေးအဆင်ပြေတယ်ပေါ့လေ။

ဖြစ်ပုံက…သူတိူ့လင်မယား.သွားရောင်းတဲ့ဈေးမှာ..ပရဟိတ အဖွဲ့တဖွဲ့က စာရင်းလာကောက်တယ်တဲ့။ ပြီးခဲ့တဲ့ နှစ်ရက်လောက်က။ လာကောက်တဲ့အချိန်က ဈေးခေါင်းကွဲချိန်။ အဲ့ဒီအချိန်မှာ မယားလုပ်သူက လင်ကို..သူ့ဆိုင်နေရာကနေ တခြား.ကူန်စိမ်းရောင်းတဲ့တနေရာမှာသွားထိုင်ခိုင်းတယ် (ကုန်စိမ်းသည်တွေက အဲ့ချိန်ဆိုပြန်ကြပြီ၊ တချိူ့လည်းအရင်းပြုတ်လို့..လာမထွက်နိုင်တော့တာ)။ သူလည်းပဲ တခြားတနေရာသွားထိုင်နေတယ်။ စာရင်းကောက်သူလာတော့ အမည်လွှဲတွေပြောပြီး ဇာတ်လမ်းဆင်တယ်။

 

 

ဟော..ဒီနေ့ကျတော့.. အဲ့ဒီအဖွဲ့ထပ်လာတဲ့အခါ..သူတိူ့ပြောတာတွေယုံပြီး..သူ့ဖုန်းထဲကို Wave Money နဲ့ တပတ်ကို ၁သောင်း ထောက်ပံ့မယ်တဲ့။ ခုပထမအရစ်ရောက်ပြီ။ အိမ်မှာ လူမမာအဖေကြီးလည်းရှိတယ်ပြောထားတော့.. အရေးပေါ်ကိစ္စငွေလိုရင်လည်း အကူအညီတောင်းလို့ရတယ်တဲ့။ လောလောဆယ်တော့ လင်က ၁သောင်း၊ မယားက၁သောင်း..ရလာပြီး..တလကို ၈သောင်းရမယ်ဆိုပြီးပျော်ရွှင်ပြီး အေယ်ကျယ်အော်ကျယ်ပြောနေတာပဲ။ သူတိူ့သွားထိုင်လိုက်တဲ့နေရာက ကုန်စိမ်းသည်တွေတော့…မရလိုက်တော့ဘူးပေါ့။

ဒီဖြစ်ရပ်ကို သုံးသပ်ရင်….

(1) ဒေတာကောက်တဲ့သူက ဈေးစည်ပင် (ဈေးကောက်က သိပါတယ်)နဲ့အတူစစ်ပြီးကောက်သင့်တယ်။ ပြီးပြီးရောမလုပ်ဘဲ တကယ်လိုအပ်သူတွေရအောင် စေတနာနဲ့ကြပ်မတ်သင့်ပါတယ်။

(2) မရှိဆင်းရဲနွမ်းပါးသူတွေအများကြီးရှိတယ်။ ဈေးထဲမှာထက် ရပ်ကွက်တွေထဲမှာပါ။ ပရဟိတအဖွဲ့တွေချင်း..ဒေတာချိတ်ဆက်ဖလှယ်မှုတွေလုပ်သင့်တယ်။ သက်ဆိုင်ရာနေရာက နယ်မြေအာဏာပိုင်အဖွဲ့နဲ့ချိ်တ်ဆက်အတည်ပြုသင့်ပါတယ်။

(3) ရပ်ကျေးအုပ်မှူးတွေအဆင့်ဆင့်နဲ့ချိတ်ဆက်ပြီးတကယ်အလုပ်လုပ်ဖို့လိုတယ်။

အောက်တန်းစားဆိုတာ အပေါ်ကပြောတဲ့သူမျိုးကိုခေါ်တာပါပဲ။ အဲ့လိုဟာမျိုးတွေက နေရာစုံမှာရှိတတ်တယ်။ သေချာစိစစ်ဖို့လိုပါတယ်။ နို့မို့ လှူ သာလှူ တယ်..ဘာမှအရာမရောက်ဘဲ..ငတ်တဲ့ပြတ်တဲ့သူတွေက.. လုစား ခိုးစားတဲ့အခါ..’ဟင် ဒီလောက်လှူထားတာတောင်မှ’ ဆိုပြီး ဝိုင်းပြောတာခံရဦးမှာပဲ။

(ပြောနေရင်းဆိုနေရင်းတန်းလန်းမှာပဲ.. စောစောကကြွားနေသူအမျိုးသမီးရဲ့စကားကို အားကျနေတဲ့ အခြားစားနိုင်သောက်နိုင်မိန်းမတယောက်က ရပ်ကွက်ထဲက ကျူးအိမ်လေးတွေကို လာလှူတဲ့ ဆန်လေးပြည်၊ ဆီ(၅၀)သားကို ပြေးယူလိုက်ပါပြီဗျား..။)

Author Image
Zawgyi

Leave a Reply

Your email address will not be published. Required fields are marked *